नयाँ १६७ सङ्क्रमित थपिए, २१३ निको भई घर फर्के
पाोखरा, साउन १। स्वास्थ्य तथा जनसंख्या मन्त्रालयका अनुसार नेपालमा १६७ नयाँ कोरोना सङ्क्रमित थपिएका छन् । योसँगै नेपालमा कुल सङ्क्रमितको सङ्ख्या १७ हजार ३४४ पुगेको छ ।
नियमित पत्रकार सम्मेलन मार्फत प्रा.डा जागेश्वर गौतमले पछिल्लो चौबीस घण्टामा चार हजार ९८० जनाको कोभिड–१९ परीक्षणका लागि नमूना सङ्कलन गरिएको जानकारी गराउनुभयो । हाल २३ हजार ५०० जना क्वारेन्टाइनमा बसेका छन् । आइसोलेसनमा छ हजार ५६ जना छन् । बिहीबारसम्म तीन लाख तीन हजार ८१० जनाको आरटी पीसीआर परीक्षण गरिएको छ । त्यस्तै पछिल्लो चौबीस घण्टामा ६९७ जना सङ्क्रमित निको भएर घर फर्केको जनाएको छ । हालसम्म कुल ११ हजार २४९ जना कोरोना मुक्त भई घर फर्केका छन् ।
कोरोना सङ्क्रमणबाट नेपालमा मृत्यु हुनेको संख्या ३९ रहेको छ ।
