क्वारेन्टाइनमा प्रेम प्रस्ताव, टिकटकमा चर्चित भिडियो

मानव इतिहास अहिले निराश अवस्थाबाट गुज्रिरहेको बेला एक जोडीले अनौठो तरिकाले गरेको प्रेम प्रस्ताव अहिले टिकटकमा निकै भाइरल भएको छ । यस जोडीले प्राविधिक रूपमा “प्रेम’ फेला पारेनन् तर उनीहरूले निश्चित रूपमा मानव इतिहासको कठिन समयमा उनीहरूको सम्बन्धको एक महत्वपूर्ण कोसेढुङगो पार गरे ।

अप्रिल ६ मा टिकटक प्रयोगकर्ता Jaz Zepatos ले भिडियो सेयर गर्दै लेख्छन, “मेरो सबैभन्दा मिल्ने साथीले हाम्रा सबै साथीहरू र परिवारसँग गोप्य रूपमा भिडियो च्याटमा हेर्दै गर्दा क्वारेन्टाइनमा नै प्रस्ताव गरे ।”
भिडियो को सुुरुमा उक्त जोडी क्यामेरालाई नहेरी अलि पर रहेर पुुरुषले पछाडीबाट अंगालो मारेको देखिन्छ । त्यसपछि महिला घुम्छिन अनि पुरुषले घुँडा टेक्दछन र इन्गेजमेन्टको रुपमा प्रेमको प्रस्ताव गर्दा महिलाको खुसीको सिमा नै रहन्न । उनी छक्क पर्छिन, पुरुषले क्यामेराको नजिक अंगालो हालेर उठाएर लिएर जान्छन, र भिडियो च्याटमा रहेका आफन्तहरुलाई परिचित गराउँदा महिला झन अचम्मित हुन्छिन । महिलाले उक्त प्रस्तावलाई स्विकार गर्छिन र गोप्य रुपमा भिडियो च्याटबाट उक्त दृष्य हेरिरहेका साथीभाईहरुले खुसी प्रकट गर्दछन । भिडियो हर्षोउल्लास, खुसीका आँसु र बधाईको साथमा समाप्त हुन्छ । टिकटकमा 2,50,000 भन्दा बढी भ्युज र 60 हजारभन्दा भढी लाईक पाएको भिडियोको अहिले चारैतिरबाट प्रसंशा सुुन्न पाईन्छ ।
हिन्दुस्तान टाइम्सबाट नेपालीमा अनुवाद