प्रथम अन्तर चर्च टिनेजर फुटसलको तयारी अन्तिम चरणमा

पोखरा । नयाँगाउँ चर्च टिनेजर संगतिको आयोजनामा यहि मिति श्रावण २४ र २५ गते हुन गईरहेको अन्तर चर्च पुरुष टिनएजर फुटसल प्रतियोगिताको तयारी अन्तिम चरणमा पुुगेको छ । पोखरामा रहेका विभिन्न चर्चका टिनेजरहरुसँगको भेटघाट, संगति साथै खेलको माध्यमबाट एक अर्कामा उत्साह प्रदान गरि ईसाई जगतमा फुटबल खेलमा प्रभुले दिनुभएको बरदानलाई माथी उकास्न सकियोस भन्ने उद्धेश्यले संचालन हुन गईरहेको खेलमा पोखराका विभिन्न चर्चबाट ८ वटा टिमको सहभागीता रहेको छ । शुक्रबार र शनिबार हुन गईरहेको खेल अमरसिँह स्पोर्टस सेन्टरमा हुँदैछ । साथै प्रतियोगितामा विजयी समुहले नगद रु १० हजार, ट्रफी तथा प्रमाणपत्र पाउनेछ भने द्वितीय समुहले नगद रु ५ हजार, ट्रफी तथा प्रमाण पत्र पाउने कुराको जानकारी फुटसल खेलका संयोजक श्री सुरज सुनारले बताउनुभयो ।