मेलिलामाथि आधा दर्जन गोलबर्षा गर्दै रियल म्याड्रिड कोपा डेल रे कपको प्रिक्वार्टरफाइनलमा
मेलिलामाथि गोलबर्षा गर्दै स्पेनिस पावर हाउस रियल म्याड्रिड कोपा डेल रे कपको प्रिक्वार्टरफाइनलमा प्रवेश गरेको छ ।बिहिबार राती भएको एपक्षीय खेलमा रियलले मेलिलालाई ६–१ गेलले हरायो । यो सँगै रियलले समग्रमा १०–१ गोलको जित हात पार्दै अन्तिम १६ मा स्थान पक्का गरेको हो । पहिलो लेगमा पनि रियल ४–० गोलले विजयी भएको थियो । रियलको जितमा मार्को एसेन्सियो र इस्कोले दुईदुई गोल गरेका थिए । मार्कोले ३३औं र ३५औं मिनेटमा सुरुवाती दुई गोल गरे । इस्कोले ४८औं र ८३औं मिनेटमा गोल गरेका थिए । यसअघि जेभियर सान्चेजले ३९औं तथा भिनिसियस जुनियरले ७५औं मिनेटमा गोल गरेका थिए ।
खेलभर रियलको दवाव झेलेको मेलिलाले ८०औं मिनेटमा पेनाल्टी मार्फत सान्त्वना गोल फर्काएको थियो । मेलिलाका यासिन क्वास्मीले पेनाल्टीमा गोल गरेका थिए । डिबक्स भित्र रियलका जेभियर सान्चेजले यासिनलाईनै लडाएपछि मेलिलाले पेनाल्टी पाएको थियो । यसैगरी कोपा डेल रे कै अन्य खेलमा लिभान्तेले लुगोलाई २–०, एट्लेटिक विल्बाओले एसडी हुइस्कालाई ४–० तथा रियल बेटिसले रेसिङ स्ट्यान्डरलाई ४–० गोले हरायो । अर्को खेलमा इबर र स्पोर्टिङ गिजोनले २–२ गोलको बराबरीमा चित्त बुझाए । एजेन्सी
